«ՀԱՅԻ ՍԵՐՄԸ ԼԱՎՆ Է, ԲԱՅՑ ՆԱԽԱՆՁԸ ՄԵԶ ԽԵՂԴՈՒՄ Է»

Ըստ բանակի նախկին բարձրաստիճան սպա Ալեքսան Մինասյանի, հայկական բանակի խնդիրները վատ դաստիարակության կամ դաստիարակության բացակայության հետեւանք են:

«Բանակը մեր հասարակության հայելային անդրադարձն է, եւ ինչպիսի հասարակություն ունենք, այնպիսին էլ բանակն է: Ո՞ւմ ենք բանակ ուղարկում: Այդ մասին մենք խուսափում ենք խոսել: Երիտասարդին ուղարկում ենք բանակ եւ ուզում ենք այնտեղից ստանալ արդեն կազմավորված եւ ձեւավորված հայ ընտանիքի հայր: Իսկ մենք ցանե՞լ ենք այն սերմը, ինչ բերքի որ սպասում ենք: Կարծում եմ՝ ոչ:

Մոնթե Մելքոնյանի անվան ռազմավարժարանի հիմնադիր. «Այն, ինչ արյամբ է ազատագարված, չի կարող հանձնվել»Մոնթե Մելքոնյանի անվան ռազմավարժարանի հիմնադիր, ՊՆ ռազմական ինստիտուտի նախկին պետ Ալեքսան Մինասյանը դեմ է Լեռնային Ղարաբաղի ազատագրված տարածքները հանձնելուն՝ թեկուզ փոխզիջումային տարբերակով։ Այն, ինչ արյամբ է ազատագարված, չի կարող հանձնվել։ Դա մեզ համար կլինի պարտություն։ Դա դեմ է լինելու մեր ազգայինին, մեր ոգուն,- «Դուպլեքս» մամուլի ակումբում «7օր»-ի հարցին ի պատասխան ասել է նա,- չեմ կարծում, որ արյամբ հետ վերցրած մեր հողերը, որ պատկանում էին մեզ, մեր պապերին, պետք է այդպես հեշտությամբ տանք։

-Մենք այսօր ունենք բանակ, որը համազորային ռազմավարությամբ է զբաղված։ Ես գտնում եմ, որ կարելի էր մի փոքր ձևափոխել այն, դարձնել հատուկ նշանակության, որովհետև մեր երկիրը լեռնային է, և, բնականաբար, պետք է հատուկ նշանակության զորքերի հզորացում տեղի ունենա,- «Դուպլեքս» մամուլի ակումբում ասել է Ա. Մինասյանը։

-Հատուկ նշանակության ջոկատների ստեղծումը ենթադրում է, որ զենքի հնամաշությունը նշանակություն չունի։ Կարող ես դու ծառի ճյուղը կտրել՝ սարքելով զենք և ավելի վտանգավոր լինել, քան թե որևէ մեկը՝ հրանոթը ձեռքին։ Իսկ զինվորի ոգու ուժը ձևավորվում է հմտությունից, ինքնավստահությունից,- ավելացրել է նա՝ միաժամանակ նշելով, որ մարտիկի ոգին կախված է նաև իր հրամանատարից։

-Մենք պետք է կարողանանք հրամանատարների ճիշտ սերնդափոխություն անել,- նշել է Ա. Մինասյանը.

-Ես հայերիս համարում եմ հրացանային ազգ։ Վտա՞նգ է սպառնում մեր ազգային անվտանգությանը, մենք վերցնում ենք պատից կախված ժանգոտ հրացանը ու գնում ենք պատերազմելու։ Գալիս է արարման օրը, երբ որ մենք այդ հրացանը պետք է վերածեինք գնդացրի կամ հրթռի, ցավոք, այն հիմնարկը, գործարանը, որտեղ պետք է արտադրվեր ավելի որակյալը այդ զենքը, նշանակվում է մարդ, որը բացարձակապես կապ չունի դրա հետ։ Հետևաբար մենք պետք է սերնդափոխության մասին էլ մտածենք՝ ինչպե՞ս աճեցնել այն տնօրենին, որը վաղը կարտադրի այն, ինչ մենք ուզում ենք, որպեսզի մեր ազգային անվտանգությունն է՛լ ավելի ապահովված լինի։

Պատերազմի դեպքում մենք պատրաստ ենք հակահարված տալու

-Մեր աշխարհաքաղաքական դիրքն այնպիսին է, որ շատ-շատերին ձեռք չի տալիս, որ մեզ հետ պատերազմ լինի, բայց եթե լինի էլ, ես համոզված եմ, որ մենք պատրաստ ենք հակահարված տալու,- «Դուպլեքս» մամուլի ակումբում հայտարարել է  «Ժայռ» հ/կ հիմնադիր Ալեքսան Մինասյանը՝  կարծիք հայտնելով, որ մարտական ոգին առկա է թե՛ բանակում, թե՛ բանակից դուրս։ Այդուհանդերձ, Ա. Մինասյանի խոսքերով, նախաբանակային դաստիարակության հարցում մի փոքր թերացում կա.-Միայն ասելով, որ ես պետք է գամ այսինչ պաշտոնին, չի լինի։ Չի լինելու, քանի դեռ մեր մեջ կա թույն, քանի դեռ մենք մեկս մյուսի նկատմամբ չարն ենք շնչում, և դա արտահայտվում է նաև մեր բանակում։Երբեմն արձանագրվող սահմանի հատման դեպքերն էլ Ա. Մինասյանը բացատրել է ոչ թե դասալքությամբ, այլ պատահականությամբ, իսկ դա պատճառաբանել բանակային ռեժիմի թուլացմամբ։

7or.am